Últimas Noticias

Consellería de Economía, Industria e Innovación

Galicia Calidade

• A conselleira de Economía, Industria e Innovación, María Jesús Lorenzana, precisou na presentación do Balance de Galicia Calidade 2023 que nos últimos 12 anos se multiplicou por 5 o número de entidades certificadas e por 6 o de produtos e servizos ofrecidos baixo este selo distintivo

• Salientou que as empresas que levan esta marca conseguiron superar en tan só dous anos os efectos da crise da Covid-19 e mellorar os resultados prepandemia, con incrementos de ingresos e de xeración de emprego

• Entre 2019 e 2022 crearon 3.000 novos postos de traballo e contan xa cunha plantilla media formada por 70 empregados

• Ao peche de 2022, Galicia Calidade englobaba 168 entidades adheridas e un total de 855 produtos ou servizos certificados

• No exercicio pasado alcanzaron unha facturación de 5.360 millóns de euros, un 27,3% máis en comparación con 2019 e un 21% máis que en 2020

• Lorenzana salientou que preto do 80% das sociedades certificadas teñen actividade exportadora, en máis de 65 países, onde obteñen de media o 15% da súa cifra de negocio total

• De feito, as exportacións das empresas que empregan o selo distintivo Galicia Calidade creceron un 72% entre 2020 e 2022, a máis do dobre de velocidade que o conxunto das empresas exportadoras da Comunidade (32,2% de incremento)

• A conselleira afirmou que o estudo constata a consolidación de Galicia Calidade como marca de garantía da economía galega, e ademais con ampliación do ámbito de certificación a sectores como a hostalería, os viveiros, as instalacións náuticas, a xeotermia e a outras actividades industriais O balance anual adianta que o 80% das firmas certificadas prevé pechar o 2023 con crecementos positivos en vendas e emprego, e que o 92,5% espera facelo tamén en 2024

MARÍA JESÚS LORENZANA

• No encontro `Los Almuerzos de Aegama´, a conselleira de Economía, Industria e Innovación salientou a próxima posta en marcha da Oficina Económica de Galicia e o plan de aceleración de proxectos industriais

• María Jesús Lorenzana lembrou que a Xunta traballa “para converter Galicia nun polo de emprendemento industrial capaz de atraer investimentos garantindo as máximas facilidades na tramitación”

• Coa visita da conselleira, Aegama retoma o seu programa de encontros para profundizar na actualidade económica de Galicia, no seu futuro e nas novas oportunidades que a Comunidade ofrece a potenciais inversores

Obradoiros do Igape

• Cun orzamento de 650.000 euros, os obradoiros do Igape están orientados a crear espazos de cooperación empresarial para o desenvolvemento de proxectos avanzados cara os grandes retos da economía

• Os apoios, en réxime de concorrencia competitiva, cobren o 100% dos gastos subvencionables ata un máximo de 25.000 euros por iniciativa e de 75.000 por entidade beneficiaria Nas seis convocatorias anteriores, o programa promoveu en total 125 obradoiros de dixitalización, cunha axuda global de máis de 2,1 millóns de euros e 1.250 participantes

Alcoa

― Nunha xuntanza co comité de empresa, a conselleira de Economía, Industria e Innovación adiantou que a Administración autonómica vai seguir analizando cos seus servizos xurídicos a decisión da empresa de aprazar de xeito “temporal” os investimentos comprometidos

― María Jesús Lorenzana matizou que ese aprazamento “ten que ter uns tempos e non pode ser de natureza indefinida porque, de ser o caso, estariamos en condicións de analizar se está cumprindo ou non o acordo”

― Considera fundamental que Alcoa aclare cando levará a cabo os investimentos na factoría luguesa e agarda que sexa “nunha mesa onde estean presentes a totalidade das Administracións, a empresa e o comité”

― A conselleira reitera a importancia de que o Goberno central “regule no estatuto para as empresas electrointensivas medidas e axudas acaídas para que non exista ese risco de deslocalización”

― Volve a subliñar a importancia que ten para o sector industrial que exista un axeitado desenvolvemento das fontes renovables, para levar a cabo “acordos e colaboracións" de mellora dos prezos enerxéticos

MARÍA JESÚS LORENZANA

• A conselleira de Economía, Industria e Innovación pechou o debate para a aprobación da norma, que aporta protección a esta actividade sustentable e xeradora de emprego

• María Jesús Lorenzana resaltou no Parlamento que a nova Lei promove “a importancia social, cultural, identitaria e económica” da artesanía de Galicia e que aposta por “un sector forte e perdurable no tempo”

• Precisou que nace “con vocación de gran acordo”, con participación dos profesionais e da sociedade na súa elaboración

• Entre os obxectivos sinalou a pervivencia, expansión e comercialización, a profesionalización e a remuda xeracional incorporando novos talentos

• Como novidades, a Lei de Artesanía de Galicia inclúe o recoñecemento oficial de Mestra e Mestre Artesán e identifica dúas modalidades -zona e obradoiro- de puntos de especial interese artesanal pola súa vinculación ao territorio e ao desenvolvemento do medio rural

Persoal investigador Xunta de Galicia

• Alfonso Rueda anunciou a aprobación a principios de 2024 do novo marco lexislativo que mellorará as condicións laborais dos investigadores ao servizo da Administración galega e dos seus organismos

• O presidente da Xunta salienta que o decreto daralle “certeza e estabilidade” ao persoal para que siga desenvolvendo a súa profesión dentro de Galicia

• O texto do decreto que regula a carreira investigadora foi aprobado no Consello da Xunta e logo do ditame do Consello Consultivo “entrará en vigor a finais deste ano ou principios de 2024”

• Rueda explicou que tras rematar as etapas pre ou posdoutoral regúlase o acceso ao sistema mediante un contrato laboral fixo e créanse as categorías de investigador estable e investigador sénior

• Defínense ademais os niveis de técnico superior de investigación e técnico de investigación sénior

• O presidente da Xunta engadiu que o marco lexislativo estimulará a captación de fondos a través dun complemento retributivo non consolidable e detallou que se establece un complemento de excelencia investigadora persoal e consolidable como resultado da avaliación positiva da actividade

• O Goberno galego destinará o próximo ano 60 millóns de euros para a contratación de investigadores por parte das universidades galegas e dos seus centros dependentes

MARÍA JESÚS LORENZANA

• Salienta a convocatoria de axudas directas, a través do Igape, para incentivar modelos de negocio circulares nas empresas galegas

• Na entrega dos `II Premios de Innovación Epifanio Campo´, a conselleira destacou que Galicia vaise converter na primeira Comunidade en regular as condicións de traballo do persoal investigador a cargo da Administración autonómica

• Afirmou que a Cátedra Epifanio Campo demostra que na Comunidade hai moito talento “para alumear novas propostas e solucións innovadoras que transferir á industria”

Financiado por la Unión Europea, NextGenerationEU
Plan de Recuperación, Transformación y Resiliencia