Consellería de Economía e Industria

• A conselleira de Economía e Industria asistiu, xunto co conselleiro de Emprego, Comercio e Emigración, ao encontro empresarial organizado pola CEG
• María Jesús Lorenzana trasladou a este foro a preocupación de Galicia por “lograr a sustentabilidade social e aproveitar os nosos recursos naturais como elemento tractor da nosa economía”
• Resaltou que a Lei de Promoción dos beneficios sociais e económicos dos proxectos que utilizan os recursos naturais de Galicia ten como obxectivo unha xestión responsable que protexa o medio ambiente, que xere riqueza e “que esta riqueza xerada impacte no territorio”
• Afirmou que Galicia está nun ciclo económico cheo de oportunidades, ao contar “cun tecido empresarial excelente, maioritariamente familiar e sólido” e ao consolidar o crecemento do emprego industrial e do comercio exterior, con récord de exportacións en máis de 31.000 millóns de euros

• A conselleira de Economía e Industria demanda a acción “conxunta e coordinada” de todas as administracións para salvagardar a viabilidade do sector en Europa e blindar as súas capacidades fronte ao reto da electrificación
• Participou nun encontro co comisario de Mobilidade Sustentable e Turismo da Comisión Europea, onde remarcou a necesidade de adoptar medidas urxentes desde as institucións europeas para reforzar a competitividade desta industria no novo escenario global
• María Jesús Lorenzana considera indispensable actuar sobre catro ámbitos: o normativo, o das axudas públicas, o dos fondos comunitarios e o da desburocratización, no que puxo a Galicia como exemplo
• No encontro dos representantes de 20 rexións europeas co comisario Apostolos Tzitzikostas inicidiu na petición de maior flexibilidade nas normativas, de revisión das sancións, de fondos específicos e de máis simplificación nas convocatorias de axudas
• En definitiva, urxiu a que se teñan en conta no seo da Comisión Europea as medidas que xa foron tratadas na III Conferencia Anual da Alianza de Rexións Europeas con Industria de Automoción (ARA), celebrada en Monza
• A conselleira lembrou en Bruxelas que Galicia foi a primeira Comunidade en activar unha liña de axudas específica para toda a cadea de valor, cunha inxección económica de 230 millóns de euros ata 2027

• O presidente da Xunta, acompañado pola conselleira de Economía e Industria e polo conselleiro do Mar, mantivo en Bruxelas reunións con Teresa Ribera e con Costas Kadis
• Trasladoulle á vicepresidenta de Transición Limpa, Xusta e Competitiva da Comisión Europea a “absoluta rigorosidade” coa que se tramitan os proxectos industriais en Galicia e as avaliacións de impacto ambiental
• No encontro con Teresa Ribera, o presidente da Xunta e María Jesús Lorenzana abordaron a actual situación xudicial de proxectos eólicos
• Rueda demandou que se teña en conta a Galicia “como territorio estratéxico para as grandes redes de transporte en Europa”, incluíndo tanto o transporte de persoas e mercadorías como as infraestruturas enerxéticas
• Na reunión co comisario de Pesca e Océanos, o presidente da Xunta incidiu na “necesidade de compatibilizar a preservación do medio ambiente coa economía do mar”
• Sostivo ante Costas Kadis que “é imprescindible esixir regras de xogo iguais para todos” e amosou a súa preocupación respecto aos acordos de libre comercio que poida haber con Tailandia, especialmente en relación co atún
• Alfonso Rueda pediulle ao comisario chipriota que non se eliminen as bonificacións ao gasóleo para os barcos “mentres non se atope outro sistema de propulsión alternativo”

• O director da Axencia Galega da Industria Forestal-Xera, Alfredo Fernández Ríos, compartiu nunha xornada en Madrid a iniciativa da Xunta para que, progresivamente, o 20% das edificacións da Administración pública galega empreguen este elemento na estrutura
• Salientou os convenios suscritos por Xera con servizos e entidades como o Sergas, a Axencia Galega de Infraestruturas (AXI), as Universidades de Vigo e Santiago ou a Consellería do Medio Rural, entre outros
• Fernández Ríos lembrou que Galicia é unha das principais rexións produtoras de madeira de Europa, con preto de 9,8 millóns de metros cúbicos, máis de 2.400 M€ de facturación anual e case 20.000 persoas empregadas
• Precisou que, nos últimos catro anos, a Xunta leva concedidas axudas por importe de 8,2 millóns de euros para impulsar o emprego da madeira estrutural, tanto para a redacción de proxectos como para a execución de obras, con máis de 500 beneficiarios

 O director da Axencia Galega da Industria Forestal-Xera, Alfredo Fernández Ríos, destacou nun acto en Madrid que Galicia é un referente no emprego da madeira no eido construtivo grazas ao esforzo de todos os axentes do sector forestal-madeira e do compromiso do Goberno galego para impulsar o emprego deste elemento nas edificacións que se están a levar a cabo na rexión co apoio da Administración autonómica. Fernández Ríos fixo estas valoracións durante a súa participación nas xornadas `Como e porqué construímos con madeira?´, que se desenvolveron no Caixabank All in One da praza de Colón, en Madrid.

O director da Xera apuntou que o sector forestal-madeira constitúe unha industria clave na economía galega, de tal xeito que foi declarada hai un ano como sector industrial estratéxico polo Goberno galego para a elaboración do seu plan director. Nesta liña, Fernández Ríos puxo de manifesto a contribución económica e laboral deste sector, que representa o 12 por cento do emprego industrial en Galicia e que é indispensable para a economía verde e o equilibrio territorial. Tal e como recolle o Informe anual da cadea monte-industria -e así o lembrou o responsable da Xera-, en 2023 Galicia aproveitou case 9,8 millóns de metros cúbicos de madeira, consolidándose como unha das principais rexións produtoras de Europa, cunha facturación desta industria que supera os 2.400 millóns de euros anuais.

CONSTRUCIÓN NEUTRA EN CARBONO

Alfredo Fernández tamén aproveitou o seu relatorio para destacar o compromiso do Goberno da Xunta para impulsar o emprego da madeira no eido da construción pública establecendo o obxectivo de que, progresivamente, o 20% das edificacións da Administración pública galega empreguen este elemento na súa estrutura. Para avanzar neste propósito, a Xera ten asinado convenios de colaboración co Sergas, a Axencia Galega de Infraestruturas (AXI), as Universidades de Vigo e Santiago ou a Consellería do Medio Rural, entre outros. Unhas actuacións que contan co apoio e participación de técnicos do Centro de Innovación e Investigación CIS-Madeira e da propia Axencia Galega da Industria Forestal e que, como destacou, “están a traballar na busca de solucións innovadoras e sustentables para acadar un sector da construción neutro en carbono, tal e como marca a Unión Europea”.

Finalmente, o director da Xera lembrou que nos últimos catro anos, a Xunta leva concedidas axudas por importe de 8,2 millóns de euros para impulsar o emprego da madeira estrutural, tanto para a redacción de proxectos como para a execución de obras. Unha liña de apoios da que se beneficiaron preto de 550 persoas desde o ano 2020.

• Nunha visita a Zas, a conselleira de Economía e Industria, María Jesús Lorenzana, precisou que os 20 restantes teñen 18 meses de prazo para presentar o proxecto
• A repotenciación dos parques eólicos que superan os 25 anos de antigüidade vai permitir a retirada de máis de 800 aeroxeradores da paisaxe galega
• Lorenzana incide na importancia de seguir traballando no novo Plan Eólico de Galicia e en que as medidas que está implantando a Xunta “redunden en máis industria e máis emprego”, e axuden a aumentar a porcentaxe de enerxía renovable para acadar os obxectivos de descarbonización e abaratar a factura eléctrica
• No caso concreto do parque eólico de Zas, de EDP, coa repotenciación pasou de ter 80 aeroxeradores de 300 KW a 10 de 2.400 KW, duplicando a produción de enerxía, que agora equivale ao consumo eléctrico de 30.000 fogares

• O presidente da Xunta sitúa á Comunidade como “referente” en Compra Pública de Innovación e enxalza o financiamento obtido por importe de 45,6 millóns de euros
• Presidiu a Comisión Interdepartamental de I+D+i, que coordina as políticas do Goberno galego nesta materia e da que forman parte 32 departamentos da Xunta
• Este modelo de traballo coordinado obtivo financiamento para 8 proxectos de 4 consellerías, entre eles un de atención médica personalizada, de creación dun expediente dixital único do alumnado, de aplicación da IA fronte ao abandono escolar ou de solucións innovadoras con hidróxeno verde
• No período 2021-2027, Galicia está a executar proxectos de Compra Pública de Innovación por un importe conxunto de 148 millóns de euros, o que constata o compromiso da Xunta coa mellora dos servizos públicos a partir de técnicas innovadoras
• Alfonso Rueda precisou na Comisión Interdepartamental de I+D+i que Galicia está a cumprir o obxectivo de ampliar a Compra Pública de Innovación a novos ámbitos, tal e como establece o novo Plan de Investigación e Innovación 2025-2027 aprobado a semana pasada